Тус аяныг Монголын Улаан загалмай нийгэмлэгийн Хүүхэд залуучуудын хөгжлийн хөтөлбөрөөс 21 аймаг 9 дүүрэг дэх улаан загалмайн хороодыг уриалан хийгдэж байгаа бөгөөд Өвөрхангай аймаг дахь Улаан загалмайн хороо, Арвайхээр сумын анхан шатны Улаан загалмайн хороогоор дамжуулан дараах 3 үе шаттай зохион байгуулж байна.

Нэгдүгээр үе: Арвайхээр сумын 13 баг бүр 12 дугаар сарын 07-ны өдрөөс 12 дугаар сарын 15-ны өдрийн дотор 13 багийн иргэдийн нийтийн хурал, анхан шатны улаан загалмайн хороогоор дамжуулан зохион байгуулж, шинэ жилийн бэлэг цуглуулна.

Хоёрдугаар үе: Цугларсан бэлгийг 12 дугаар сарын 22-ны өдрийн дотор аймгийн Улаан загалмайн хороо, Боловсрол, соёл урлагийн газартай хамтран бэлэг цуглуулсан хэсгийн зорилтот бүлгийн хүүхэд багачуудад бэлэглэж баярлуулна.

Гуравдугаар үе: Үйл ажиллагааг дунд шатны улаан загалмайн хорооны цахим хаягаар дамжуулан олон нийтэд хүргэх ба 12 дугаар сарын 24-ний өдрийн дотор үйл ажиллагааны тайлан, хүрч ажилласан хүний тоон мэдээллийг, чанарын шаардлага хангасан зургийн хамт Арвайхээр сумын Иргэдийн төлөөлөгчдийн хурал, анхан Улаан загалмайн хороонд ирүүлж, мэдээллээ нэгтгэнэ.