Төрөөс үзүүлж буй үйлчилгээ иргэдэд тэгш хүртээмжтэй, чанартай хүрч байгаа эсэхийг иргэдээр хэлэлцүүлж, сайжруулах боломжийг тодорхойлох зорилгоор Өвөрхангай аймаг дахь Цагдаагийн газарт “Иргэдийн дуу хоолой ба түүний үр нөлөө” аргачлалын дагуу харьяа нутаг дэвсгэртээ хэлэлцүүлэг, санал асуулга авах ажлыг энэ сарын 23,24-ны өдрүүдэд зохион байгууллаа. 

Хэлэлцүүлэгт 13 багийн нийт 203 иргэн оролцсон бөгөөд Арвайхээр сумын сонгуулийн насны 19854 иргэдийн тоонд харьцуулахад 1,02 хувь нь байна. Тус хэлэлцүүлгээс гарсан саналыг нэгтгэн аймгийн ИТХ-ын ажлын албанд уламжилсан.