Аймгийн Эмэгтэйчүүдийн холбооноос “Өндөр гэгээний цэцэрлэгт хүрээлэнгийн үйл ажиллагаа нь урлаг, соёлын хөтөлбөр болон бусад арга хэлбэрээр иргэд олон нийтэд ойлгуулан таниулахад чиглэгдэхийн хамт Өндөр гэгээний шүншиглэсэн сэрэг дүрийг хүндлэн дээдлэх, түүний үйл хэргээр бахархах, хүрээлэнгийн орчныг ариун дагшин байлгахын учрыг таниулах, Монгол хүний өв уламжлал, түүх соёлоороо бахархах сэтгэлгээг хөгжүүлэхэд чиглэгдэх учиртай” гэсэн санаачилга гаргаж энэхүү хэлэлцүүлгийг өрнүүллээ.

Хэлэлцүүлэг нь “ИРГЭНИЙ НИЙГМИЙН ЛОББИ” үйл ажиллагааны хэлбэрээр амжилттай зохион байгуулагдав. Уг хэлэлцүүлэгийн үр дүнд Арвайхээр сумын ИТХ-ын эмэгтэй төлөөлөгчдөөс бүрдсэн Ажлын хэсэг цэцэрлэгт хүрээлэнгийн дэгийн тухай төслийг эцэслэн боловсруулж, сумын ИТХ-ын ээлжит 5 дугаар хуралдаанаар хэлэлцүүлэхээр болсон юм.