Арвайхээр сумын Орон нутгийн хөгжлийн сангийн 2022 оноос 2023 он дамжсан болон 2023 оны төсвийн зарцуулалт гүйцэтгэлийн үр дүнд хяналтын сонсгол зохион байгуулав. Сонсголд сумын ЗДТГазар, Хотын Захирагчийн алба, Арвайхээр Цэцэрлэгжилт, Тохижилт үйлчилгээ, Гэрэлтүүлэг нийтийн тээвэр ОНӨААТҮГазрын дуудагдаж ирсэн албан тушаалнууд оролцлоо. Мөн тендер гүйцэтгэгч 6 байгууллага оролцохоос Анкер хаус ХХК, Хөгшин хайрхан шүтээн ХХК оролцож, Монголиан мистери ХХК, Ундарга байгууламж ХХК, Ховд сафари ХХК, Баялаг говь ХХКомпаниас төлөөлөл оролцсонгүй.

Орон нутгийн хөгжлийн сангийн хөрөнгө оруулалтад хийх төсвийн хяналтын сонсголыг 2024.03.06-ны өдрийн 11:00 цагт "Арвайхээр" хуралдааны танхимд зохион байгуулна.

Хуралдаанаар -Улсын Их Хурлын сонгуулийн нэгдүгээр тойргын хэсэг байгуулах, хэсгийн нутаг дэвсгэрийг зарлах тухай -Зорилтот жилийн төлөвлөгөө батлах тухй -2024 оны газар зохион байгуулалтын төлөвлөгөөнд өөрчлөлт (шинэ хаяг нэмэх) оруулах тухай -Хөрөнгө бүртгэлд авах тухай -Нийтийн сонсголын тов тогтоох тухай асуудлуудын тус тус хэлэлцэн баталлаа.

Арвайхээр сумын иргэдийн Төлөөлөгчдийн Хурлын ээлжит 20 дугаар Хуралдааныг товлон зарлалаа

Тус хурлаар: ✍ИТХ-ын Хуралдаанаар 2024 онд хэлэлцэх асуудлын төлөвлөгөө батлах тухай ✍Ажлын хороодын 2024 оны ажлын төлөвлөгөө батлах тухай ✍Ээлжит 20 дугаар Хуралдаан товлон зарлах тухай асуудлыг тус тус хэлэлцэн баталлаа

Өргөдөл, гомдол шийдвэрлэлтийн мэдээ

ӨВӨРХАНГАЙ АЙМГИЙН АРВАЙХЭЭР СУМЫН ИРГЭДИЙН ТӨЛӨӨЛӨГЧДИЙН ХУРЛААС 8 ДАХЬ УДААГИЙН БҮРЭН ЭРХИЙН ХУГАЦААНД БАРИМТЛАХ СТРАТЕГИ

✅Хуралдаанаар: Арвайхээр сумын Засаг даргын 2020-2024 оны үйл ажиллагааны хөтөлбөрийн 2023 оны биелэлт, үр дүн хэрэгжилтийг “96,3 хувь буюу тодорхой үр дүнд хүрсэн” гэж үнэллээ. ✅Арвайхээр сумын хөгжлийн 2023 оны үндсэн чиглэл бодлогын баримт бичгийн хэрэгжилт, үр дүнг “92,8 хувь хувь буюу тодорхой үр дүнд хүрсэн” гэж үнэлэв. ✅Сумын хөгжлийн 2024 оны үндсэн чиглэл бодлогын баримт бичгийг 4 бүлэг 14 зорилт 24 арга хэмжээ батлав. ✅Арвайхээр сумын 2023 оны төсвийн хүлээгдэж буй гүйцэтгэл өр, авлагагүй, төлөвлөсөн орлого давсан, Төрийн хэмнэлтийн тухай хуулийг хэрэгжүүлэн хэмнэлттэй ажиллаж, Арвайхээр сумын 2024 оны төсөв батлав. ✅Зорилтот жилийн төлөвлөгөөний хэрэгжилт, үр дүнг “92,3 хувь буюу бүрэн хэрэгжсэн” гэж үнэлэв. ✅2023 оны газар зохион байгуулалтын төлөвлөгөөний биелэлт, 2024 оны газар зохион байгуулалтын төлөвлөгөөний тухай болон бусад асуудлыг тус тус хэлэлцлээ.

Хуралдаанаар: ✅Арвайхээр сумын Засаг даргын 2020-2024 оны үйл ажиллагааны хөтөлбөрийн хэрэгжилт, үр дүнг 96,3 хувь ✅Арвайхээр сумын хөгжлийн 2023 оны үндсэн чиглэлийн хэрэгжилт 92,8 хувь, 2024 оны үндсэн чиглэлийг 4 бүлэг 14 зорилт 24 арга хэмжээ ✅Арвайхээр сумын 2023 оны төсвийн хүлээгдэж буй гүйцэтгэл, 2024 оны төсөв батлах тухай ✅Зорилтот жилийн төлөвлөгөөний хэрэгжилтийг 92,3 хувь ✅2023 оны газар зохион байгуулалтын төлөвлөгөөний биелэлт, 2024 оны газар зохион байгуулалтын төлөвлөгөөний тухай тус тус хэлэлцлээ.

Монгол Улсад шинэ Үндсэн хууль батлагдсан өдрийг тэмдэглэн өнгөрүүлэх ажлын хүрээнд Улсын Их Хурлын даргын ивээл дор жил бүр уламжлал болон зохион байгуулагддаг "Сумын аварга" шалгаруулах тэмцээнд шатар сонирхогчид та бүхнийг идэвхтэй оролцохыг урьж байна.

Ээлжит 19 дүгээр Хуралдаан 2023 оны 12 дугаар сарын 18, 19-ний Даваа, Мягмар гарагт хуралдана. Хуралдаанаар 9 асуудлыг хэлэлцэнэ.

Арвайхээр сумын иргэдийн Төлөөлөгчдийн Хурлын ээлжит 18 дугаар Хуралдаан хуралдаж 6 асуудлын хэлэлцэн баталлаа. Үүнд: 1. Иргэдийн Төлөөлөгчдийн Хурлын бүтэц орон тоо шинэчлэн батлах тухай 2. Арвайхээр хотын ногоон байгууламжийг 2020-2030 он хүртэл хөгжүүлэх хөтөлбөрийн 2023 оны төлөвлөгөөний хэрэгжилт, үр дүнгийн тухай 3. Суманд харьяалах Орон нутгийн өмчит аж ахуйн тооцоот үйлдвэрийн газрын үйл ажиллагааг дүгнэх журам батлах тухай 4. Орон нутгийн өмчит аж ахуйн тооцоот үйлдвэрийн газруудын бүтэц дүрмийн тухай 5. Данснаас хөрөнгө хасах тухай 6. Хяналт шалгалтын тухай зэрэг асуудлуудыг хэлэлцлээ.

Арвайхээр сумын иргэдийн Төлөөлөгчдийн Хурал, Засаг даргын Тамгын газрын хамт олон "Хүмүүнлэгийн үйлсэд хамтдаа" аянд нэгдлээ. Тус аянд нэгдэж хүмүүнлэгийн үйл ажиллагааг дэмжин гишүүнээр элсэж, авлагагүй цусны донорын эгнээг өргөжүүлэх ажилд хувь нэмрээ орууллаа. Албан хаагчдаас Засаг даргын Орлогч дарга Ц.Эрдэнэсүрэн, 10 дугаар багийн Засаг дарга Төлөөлөгч Ц.Бямбатогтох нар "Хүндэт донор" гэдгийг дуулгахад БАХАРХАЛТАЙ байна. #Хүмүүнлэгийн_үйлсэд_хамтдаа

Архи, согтууруулах ундааны зохисгүй хэрэглээнээс үүдэлтэй хүн амын эрүүл мэнд, нийгмийн аюулгүй байдал, эдийн засагт үзүүлэх сөрөг нөлөөг бууруулах зорилгоор Монгол Улсын Ерөнхийлөгчийн 2022 оны 43 дугаар зарлигийг хэрэгжилтийг ханган ажиллаж байна. Мөн Гэмт хэргээс урьдчилан сэргийлэх ажлыг зохицуулах салбар зөвлөлөөс багццдын автобусны буудлуудад зурагт стикер байрлуулж ажиллалаа.

Арвайхээр сумын Гэмт хэргээс урьдчилан сэргийлэх ажлыг зохицуулах салбар зөвлөл, төрийн бус байгууллагатай хамтран "Хүүхэд хамгаалал", "Нууцалъя", "Та татгалз", "Анзаар" арга хэмжээнүүдийн хүрээнд политехникийн коллежийн дотуур байрны сурагчдад "Гэмт хэрэг, зөрчлийн тухай ойлголт", "Цахим гэмт хэрэгт өртөж хохирохоос урьдчилан сэргийлэх нь", "Гэр бүлийн хүчирхийллийн тухай ойлголт, урьдчилан сэргийлэх нь", Архины хор хөнөөл", "Гэр бүл төлөвлөлт", "Авилгын талаарх ойлголт" сэдвүүдээр сургалт зохион байгуулж, мэдээлэл хийн ажиллалаа.

Арвайхээр сумын багуудын "Залуу малчдын зөвлөгөөн"-ийг өнөөдөр Улсын аварга малчин Ч.Авирмэдийн хотонд зохион байгуулж байгаа бөгөөд сумын ИТХурал, Гэмт хэргээс урьдчилан сэргийлэх ажлыг зохицуулах салбар зөвлөл хамтран сумын ИТХ-ын 2021 оны 01 дүгээр сарын 27-ны өдрийн 3/01 дүгээр тогтоолын хэрэгжилтийг хангах ажлын хүрээнд "Малын тоо толгойд ноогдуулах албан татварын хувь хэмжээ"-ний тухай болон Орон нутгийн хөгжлийн сангийн үйл ажиллагааны журамд зааснаар малчин малын тоо толгойн албан татвар төлснөөр Орон нутгийн хөгжлийн сангаас ямар үйлчилгээг авч болох талаарх мэдээллийг бэлтгэн гарын авлага хүргэж ажиллалаа. Мөн аймгийн Цагдаагийн газартай хамтран Малын хулгайн гэмт хэргийн талаар тоо, мэдээлэл болон түүнээс хэрхэн урьдчилан сэргийлэх тухай мэдээллийг өгч ажиллалаа. Тус зөвлөгөөнд 120 гаруй залуу малчид оролцож байна.

Манай улсад УИХ-ын 1996 оны 33 дугаар тогтоолоор хэлмэгдэгсдийн дурсгалыг хүндэтгэх өдрийг жил бүрийн 9 дүгээр сарын 10-нд тэмдэглэн, өнгөрүүлэхээр тогтсон байдаг. Энэ жил тус өдрийг тэмдэглэн өнгөрүүлэх, хэлмэгдэгсдийг санан дурсах, тэдний гэгээн дурсгалыг мөнхжүүлэх 28 дахь жил тохиож байна. 2023.09.10-ны өдөр Арвайхээр суманд тус өдөрт зориулсан хүндэтгэлийн арга хэмжээг зохион байгуулж, аймаг, сумын иргэдийн Төлөөлөгчдийн Хурлын Ажлын албанаас хэлмэгдэгсдийн хөшөөнд цэцэг өргөх, өвөг дээдсээ санан дурсан 108 зул өргөж, буян ном айлдан, хэлмэгдэгсдийн үр хүүхдүүдэд хүндэтгэл үзүүллээ. Хамтран ажилласан Өвөрхангай аймгийн Цагдаагийн газар, замын цагдаагийн тасаг, Зэвсэгт хүчний 256-р анги, Арвайхээр сумын ЗДТГазар, Арвайхээр ТҮОНӨААТҮГазар, Ганданпунцоглин хийдийн хамт олонд ТАЛАРХАЛ илэрхийлье.

1. Нээлттэй-Өвөрхангай аймаг хөтөлбөрийг хэрэгжүүлэх төлөвлөгөө батлах тухай 2. Арвайхээр сумын 2022 оны төсвийн гүйцэтгэлийн тухай 3. Арвайхээр сумын 2023 оны төсөвт өөрчлөлт оруулах тухай 4. Хяналт шалгалтын дүнгийн тухай 5. Иргэдийн Төлөөлөгчдийн Хурлын Төлөөлөгчдийн зардал олгох тухай 6. Иргэдийн Төлөөлөгчдийн Хурлын Төлөөлөгчийн албан бичгийн хэвлэмэл хуудас хэрэглэх журам батлах тухай 7. Хоршоо хөгжүүлэх сангийн хяналт шалгалтын тухай 8. “Тэрбум мод” үндэсний хөдөлгөөний хүрээнд хийгдэж байгаа ажлын явцын хяналт шалгалтын тухай 9. Үйлдвэрүүдийн үйл ажиллагааны хяналт шалгалтын тухай 10. Нэмэлтээр Газар зохион байгуулалтын 2023 оны төлөвлөгөөнд өөрчлөлт оруулах тухай асуудлыг тус тус хэлэлцэн баталлаа.

Арвайхээр сумын ИТХ-ын Төлөөлөгчид, Ажлын албаныхан Хэлмэгдэгсдийн дурсгалыг хүндэтгэх төгөлд нөхөн сэргээлт хийж мод тарьлаа.

Өнгөрсөн 7 хоногт 13 багийн иргэдийн Нийтийн Хуралдаанууд болж өнгөрлөө. Орон нутгийн хөгжлийн сангийн хөрөнгөөр 2024 онд хийгдэх ажлын саналыг иргэдээс урьдчилан авч түүнийгээ энэ хурлаар иргэдээрээ эрэмбэлүүлсэн. Мөн багийн Засаг дарга нар иргэддээ хийсэн ажлын тайлангаа танилцуулж үнэлгээ авлаа.