Арвайхээр сумын Иргэдийн Төлөөлөгчдийн Хурлын Гэмт хэргээс урьдчилан сэргийлэх ажлыг зохицуулах салбар зөвлөлөөс санаачлан сумын ерөнхий боловсролын 6 сургууль, 15 цэцэрлэгт “School police” эргүүлийн хантааз, туг хүлээлгэн өглөө. 
Энэхүү ажил нь хүүхэд багачуудыг гэмт хэрэг, зөрчлөөс урьдчилан сэргийлэх, аюулгүй орчин бүрдүүлэхэд эцэг эх, багш, олон нийтийн оролцоог нэмэгдүүлэх чухал ач холбогдолтой юм.
Сумын сургууль, цэцэрлэгийн төлөөлөл, нийгмийн ажилтан, багш нар тулгамдсан асуудлаа нээлттэй хуваалцаж, цаашид хэрэгжүүлэх арга хэмжээний талаар санал бодлоо солилцов.
“School police”-ийн үйл ажиллагаа нь зөвхөн хүүхдүүдийн төдийгүй, эцэг эх, багш, нийгмийн оролцоог нэмэгдүүлж, хамтын хүчээр аюулгүй, эерэг сургалтын орчин бүрдүүлэх зорилготой юм.
